影片
更多
2021-03-02
388 浏览
2021年2月22日 星期一終於放完新年假，今日又要開始返工，回復返忙碌嘅生活，真係好唔習慣，唔知又要等到幾時先可以再放長假，更加唔知道幾時先可以再去日本旅行。。。。所以今日放工之後即刻同老婆去到尖沙咀搵日本餐廳食飯，希望就算冇得去當地，都可以重拾去日本嘅感覺呢一間餐廳主要係食浜燒料理，除咗單點之外，仲有唔同嘅套餐可以選擇，最後我哋決定揀咗呢一個最平嘅二人前套餐，每個人$488 ，睇圖片見到有好多唔同嘅海鮮，仲要有我老婆最鍾意食嘅松葉蟹！！點完餐之後店員突然拎左一大盆蝦出嚟，叫我用一隻手睇吓可以一次過拎到幾多隻，原來餐廳最近做緊活動，只要喺社交平台或讚好，就可以免費玩一次，夾到嘅蝦就可以免費請我哋食！！咁當然係我大展身手嘅機會啦，最後我夾到八隻蝦，全部都好大隻而且好新鮮，店員話可以幫我哋整到刺身或者鹽燒，好期待一陣間食到嘅味道等咗大約10分鐘之後，店員就拎左一大盆海鮮出嚟，同我哋講呢啲就係一陣間幫我哋浜燒嘅海鮮，睇落去全部都好新鮮，特別係鮑魚，仲見到好生猛添，原來店員會幫我哋燒埋，完全唔需要自己整，好方便拎左海鮮入去燒之後，店員就送上前菜，首先有河豚魚干，燒得好香之餘，咬落去唔會覺得好
終於放完新年假，今日又要開始返工，回復返忙碌嘅生活，真係好唔習慣，唔知又要等到幾時先可以再放長假，更加唔知道幾時先可以再去日本旅行。。。。
所以今日放工之後即刻同老婆去到尖沙咀搵日本餐廳食飯，希望就算冇得去當地，都可以重拾去日本嘅感覺
呢一間餐廳主要係食浜燒料理，除咗單點之外，仲有唔同嘅套餐可以選擇，最後我哋決定揀咗呢一個最平嘅二人前套餐，每個人$488 ，睇圖片見到有好多唔同嘅海鮮，仲要有我老婆最鍾意食嘅松葉蟹！！
點完餐之後店員突然拎左一大盆蝦出嚟，叫我用一隻手睇吓可以一次過拎到幾多隻，原來餐廳最近做緊活動，只要喺社交平台或讚好，就可以免費玩一次，夾到嘅蝦就可以免費請我哋食！！
咁當然係我大展身手嘅機會啦，最後我夾到八隻蝦，全部都好大隻而且好新鮮，店員話可以幫我哋整到刺身或者鹽燒，好期待一陣間食到嘅味道
等咗大約10分鐘之後，店員就拎左一大盆海鮮出嚟，同我哋講呢啲就係一陣間幫我哋浜燒嘅海鮮，睇落去全部都好新鮮，特別係鮑魚，仲見到好生猛添，原來店員會幫我哋燒埋，完全唔需要自己整，好方便
拎左海鮮入去燒之後，店員就送上前菜，首先有河豚魚干，燒得好香之餘，咬落去唔會覺得好乾，有咬口同充滿魚味，用嚟送酒一流
跟住有清酒昆布大蜆煮，雖然蜆嘅份量唔係好多，不過每一隻都好大，仲要好肥美，食落去嘅時候完全冇沙，有好濃郁嘅昆布湯味，反而清酒嘅味道唔係好濃，就連唔飲酒嘅老婆都食到
之後有頭先玩遊戲嘅時候拎到嘅大蝦，店員幫我哋鹽燒，嚟到嘅時候好香，應該係岩岩燒好，冇點任何調味料已經食到蝦嘅鮮味，肉質好彈牙，有啲蝦仲要有蝦膏添，有得玩又有得食~~
呢個係厚燒紐西蘭草羊架，店員已經幫我哋切開一嚿嚿，聞起黎有好重嘅羊羶味，愛羊之人必食，咬落去發現脂肪唔算太多，肉質偏嫩
終於到重頭戲浜燒海鮮，呢一個係青森網鮑魚，已經好貼心咁切開咗，仲已經移除埋內臟，完全唔擔心食到苦味，咬落去冇諗過會咁有咬口之餘又唔難咬，燒得岩岩好，嘴角不自覺地向上笑，流露幸福既感覺~~
之後嘅海鮮陸續有嚟，輪到九州松葉蟹，蟹肉鮮甜，充滿水份，不愧係日本三大蟹之一，最後我不斷細心咁食晒啲蟹肉先肯放手
呢一個又係邪惡嘅代表，蟹味增甲羅燒，冇諗過蟹膏會多到覆蓋晒成個蟹殼，仲可以配埋法包一齊食，麵包吸收晒蟹膏嘅味道，所以食落去味道啱啱好，唔會偏鹹，如果有多幾片麵包就更加好
最後仲有牛肉鐵板燒野菜炒拉麵，炒得好香，而且拉麵好彈牙，材料好豐富，食完之後真係已經勁飽
兩個人加埋大約$1000左右，但係好似返咗一轉日本食飯咁，希望真係可以盡快返日本啦
张贴
