寬窄巷子 (已結業)

好開心去新商埸啦，成個場都好好，唯獨頂樓LEE間野。講真，成篇野真係冇誇張。開頭等半個鐘都算，入面有張八人大枱吉左但唔比人坐因為張枱only for 8人，not a problem,都算。。入到去其實裝修ok,有主題，景開揚雖然樓景。Menu價錢睇左先入黎，所以預左佢貴，但係唔該比D誠意丫。。。落單果位我仲以為好pro，唔洗抄，點知轉頭走番黎問我落啲咩。。同佢repeat 多次，都算。。一共叫咗四個餸。。蒜泥白肉先到，$60 六塊又細又薄。。蒜都唔多粒，莫非佢要我減肥? 毫無誠意。。公平啲，個擔擔面係ok的，但都唔係特別...萬眾期待水煮魚，賣相可以，味就得個辣字，簡單嚟講係除咗辣味無其他味。。啲餸已經上晒。，係咪好奇怪點解得三個餸？原來就係個懶醒waiter落漏單!問兩次都落漏，莫非要諸葛亮三顧草廬？如果係嘅話，呢間餐廳絕對唔應該喺現代出現！再客觀D,個味唔係衰，不過唔值LEE個價囉，有人嫌太辣，不過辣唔係問題可以係特色。其實間嘢都算勁，可以令人食完完全唔覺自己食過嘢，高手！結局係，最後要落糖朝醫肚，比較起上嚟，已算是人間美食。