影片
更多
2019-07-11
112 浏览
經OpenRice訂枱，九段壽司同埋魚生有七折，依間餐廳嘅嘢食用嚟打卡OK，但食物質素就一般。welcome drink有提子梳打，小朋友飲得開心。依個係價錢比較貴少少嘅九段刺身，因為係有兩隻嘅，但好似圖中所見啦，吞拿魚刺身都唔係好新鮮嘅，個魚生飯個顏色都唔係好討好，食落就一般啦，唔覺得話好好食。呢個係另一個壽司九段，都係分兩個價錢，壽司好過刺身少少，賣相比較吸引啲，但係都唔算有過人之處，好似同坊間嘅壽司店差唔多。叫咗雞軟骨同埋牛脷串燒就幾好味嘅，牛你唔會燒得好韌，切得幾薄，唔鍾意食太厚牛脷，鹹味都適中嘅。另外，雞軟骨都幾脆。依個係豚肉定食，啲豬肉有少少韌，反而定食就幾抵食嘅，百幾蚊就有一個啦，但係質素就一般啦。依個係烏龍麵，入面係一啲稻庭烏冬嚟，個魚湯味都幾濃，味道還可以，似係媽媽煲嘅魚湯。依個牛肉定食都幾好味，但係我將啲燒汁倒晒落去，搞到碗飯好鹹，建議大家倒少少汁好啦，入面有啲肥肥地既牛肉幾好味。麵豉湯有少少咸，冇乜人飲。總括來講，過嚟影相打卡係可以嘅，但應該唔會再食第二次啦。同埋唔知點解水吧嗰邊兩個廚師係咁望住我哋呢一台，可能知道我會寫食評，比較緊張掛😅
welcome drink有提子梳打，小朋友飲得開心。
依個係價錢比較貴少少嘅九段刺身，因為係有兩隻嘅，但好似圖中所見啦，吞拿魚刺身都唔係好新鮮嘅，個魚生飯個顏色都唔係好討好，食落就一般啦，唔覺得話好好食。
呢個係另一個壽司九段，都係分兩個價錢，壽司好過刺身少少，賣相比較吸引啲，但係都唔算有過人之處，好似同坊間嘅壽司店差唔多。
叫咗雞軟骨同埋牛脷串燒就幾好味嘅，牛你唔會燒得好韌，切得幾薄，唔鍾意食太厚牛脷，鹹味都適中嘅。另外，雞軟骨都幾脆。
依個係豚肉定食，啲豬肉有少少韌，反而定食就幾抵食嘅，百幾蚊就有一個啦，但係質素就一般啦。
依個係烏龍麵，入面係一啲稻庭烏冬嚟，個魚湯味都幾濃，味道還可以，似係媽媽煲嘅魚湯。
依個牛肉定食都幾好味，但係我將啲燒汁倒晒落去，搞到碗飯好鹹，建議大家倒少少汁好啦，入面有啲肥肥地既牛肉幾好味。
麵豉湯有少少咸，冇乜人飲。總括來講，過嚟影相打卡係可以嘅，但應該唔會再食第二次啦。同埋唔知點解水吧嗰邊兩個廚師係咁望住我哋呢一台，可能知道我會寫食評，比較緊張掛😅
张贴
