真妮 (已結業)

寶琳站 新都城1、2、3期大型商場，3個商場全部貫通晒，假期黎呢度真係可以消磨一整日，食店選擇都又多，今日我呢個為食貓好想食漢堡🍔，搵黎新都城二期*真妮*漢堡飽店醫下肚先😋。門口有個大型餐牌，首先比佢啲漢堡飽名稱吸引😂，呢個手法好有綽頭😆。🍹奇異果🥝沙冰，超濃郁嘅果味，唔太甜，行到又熱又攰，黎一杯沙冰認真消暑。🍹星河，一杯一蝶豆花飲品，蝶豆花有抗衰老養顏功效架☝🏼，顏色好靚好吸晴，兩杯飲品打卡一流😆。🍴明太子雞翼，三隻脹卜卜雞翼排排坐😆，外皮烤得微蕉，非常香口，入邊釀滿明太子，食落有丁點卜卜位🤔應該有加丁點雞軟骨，好有口感😋。🍴秘製蟹棒，兩條大蟹棒，個秘製汁唔錯喎😋。🍔含菌量超標漢堡🤣個名好攪笑，主要材料係大啡菇同大量啡磨菇，好香好惹味嘅菇香，配以沙律醬汁同蕃茄🍅、生菜🥬，簡簡單單，一個好健康嘅醒神漢堡😋。🍔新出嘅漢堡 - 就咁燒蕉芝士漢堡😋，近年好流行skirt burger 🍔 ，漢堡飽圍住一大片好似裙邊嘅燒蕉芝士，脆卜卜口感，帶些小芝士咸香；我想讚下呢個漢堡中間果塊漢堡扒，鬆、軟、牛味好出位，主要味道來自同溶左芝士嘅咸香互相交戰，味道balance得好好😋。