一八六一廚房 (已結業)

去開寶琳嗰邊，行咗入去寶琳市場，諗住買外賣返屋企食，俾佢Menu裏面嗰啲五顏六色嘅飽吸引咗，於是叫咗兩個餐+1個包返屋企食。套餐跟小食同埋飲品，我叫咗一個薯條一個薯蓉。首次用手機落單仲有九折。食物係即叫即做嘅所以都要等返十幾分鐘，同老細傾落佢啲包係用新鮮酵母同埋韓國麵粉來做。黑色嘅係竹炭麵包，其他顏色嗰啲係素包即係冇牛油，啱啲素食人士食。💖女神漢堡粉紅色嘅麵包配上吞拿魚蛋沙律，低卡之選。💚噢巴漢堡Q版(泡菜豚肉)綠色嘅麵包配上泡菜炒豬肉，麵包就Q版，個餡就一啲都唔少。🖤甜蜜漢堡(蜜糖蘋果手打牛肉)竹炭麵包配上焦糖化咗嘅蘋果同埋手打安格斯牛肉，塊肉勁厚，一啖都啱晒，牛味好濃。🍟雙色薯條(紫菜味)普通薯條加番薯條，今日就係紫菜味，老細話下次嚟就係唔同嘅味道喎。