SAMJIN AMOOK Express (已結業)

喺K11 musea 穿過food court 有一間韓國韓式魚糕專門店，各式各樣既魚糕擺哂喺眼前，非常吸引！我就同朋友叫左幾款試下原味魚丸卷（$18)用魚肉打成的魚丸卷，感覺就好似食緊港式魚蛋咁，非常彈牙！芝士夾心黃金魚球（$20)用紙袋裝住既一個炸魚球，外面有用麵包糠造成炸衣炸香過，入面係大大個魚球再夾住流心芝士，外脆內流心，勁正。蝦仁辣椒（$18)一串三件既魚餅，三件都唔同顏色，食落似係分別用左紅椒，黃椒同埋青椒，幾香。大蟹肉卷（$20)魚卷入面包住大大條蟹柳，彈牙既魚肉卷夾住淋淋地既蟹柳，蟹柳唔係平價貨，唔會成舊膠咁，味道都唔錯。原味魚餅湯(套餐) 店內有熱湯一路煲住，可以揀就咁魚餅或者套餐，我地就揀左套餐，即係有幾款唔同既魚餅。店員幫忙用紙杯裝住，配埋熱湯一齊食，同其他魚卷既感覺唔同，比較似係關東煮咁，冬天食就一定暖笠笠。