永華麵家 (已結業)

去完銀行，行過呢到，原先諗住食subway，好耐無食過呢到既竹昇麵，就坐低食碗麵。環境如舊，午市時候，很爆場，一個人易搵位，阿姐好快安排搭枱。坐低先黎試下免費既醃蘿蔔，酸酸的，依舊開胃。要左細蓉，麵依舊很彈牙爽口，竹昇的威力吧，冇鹼水味。雲吞係傳說中正宗的雲吞，對我黎講，蝦同埋肉都係滿滿，皮薄，冇散開，好味。份量細細碗，$27蚊，不便宜，要大碗飽肚及經濟者不合。