Shari Shari Kakigori House 氷屋 (已搬遷) 新店位置

收工同同事去左shari shari食刨冰一直同同事講呢一間既刨冰好好食，就簡左今日帶佢黎試下。中環呢間分店冇銅鑼灣咁多人，我地7點幾去到的時候人唔多，唔洗等位。刨冰比較大份，2個人share1個刨冰已經夠食，今次3個人叫左2隻味，櫻花抹茶同伯爵朱古力。櫻花抹茶味係出面櫻花味，入面係抹茶味同啫喱，上面仲有櫻花形既白朱古力片！！！刨冰入口即融，淡淡既櫻花味同抹茶味好夾，抹茶味濃但唔係果種好苦既抹茶味。之前有試過伯爵茶味，個茶味好濃，好似真係飲緊Earl Grey咁今次再試伯爵味，伯爵茶味依然好正，但估唔到同朱古力都好夾。