魚池拾捌 (已結業)

直到好想推介呢一間嘅珍珠奶茶，非常用心製作。佢所有嘅珍珠都係自家製，而且有唔同嘅味道，除咗大熱嘅黑糖，仲有黃金珍珠，抹茶珍珠等等。由於係自家製作嘅關係，珍珠有機會傍晚時分已經售罄，所以早少少嚟買會好啲！今日飲嘅係黃金珍珠手作鮮奶茶，去冰少糖（70%）。茶葉底味芳郁，即使咁大杯都仲飲到茶味。叫咗鮮奶，比起奶精或者奶粉係冇咁出名，但鮮奶始終健康一啲，冇反式脂肪，係冇咁邪惡嘅選擇。黃金珍珠其實係用蔗糖做，佢冇黑糖嗰種厚實既甜味，但有一種清甜味（雖然糖份係一樣）。飲開黑糖覺得悶悶地，轉下黃金珍珠都唔錯。