影片
更多
2018-12-16
397 浏览
從媒體得知這店由一間傳統藥林舖改裝為cafe, 現仍保留部分裝飾，故昨天下午特別和朋友前來試吃，因塞車關係，比較晏才抵達。可惜一進門，不但沒有殷勤招待，只換來多次提醒，”我哋last order 5點半，6點關門”，真的講了數次！這是否叫我不要等，如你不想做生意，不如說我們將會收工，煩請日後再來幫襯！有感佢哋覺得唔憂做咁。因山長水遠特別前來，見有幾枱人已食完，就說會等等，因那時已5點19分。不出兩分鐘，已有人埋單離開，我們亦被帶入座，朋友即到櫃枱落單，叫了蟹肉牛油果沙律，洋蔥湯，鮮果waffle，桂圓紅棗茶及氣血茶。朋友問四眼女侍應可否先出咸食最後上甜品，仍然提供「極佳」態度，說落單後即做冇得分先後，ok, 因沒有多少時間剩的關係，都忍下去。上菜很快，估計都是先做定的，先來蟹肉牛油果沙律，唔...怎麼說呢，蟹肉份量有半根手指頭這麼多，牛油果都有幾粒，份量超乎想像的少！完全overpriced! 第一強差人意！之後上兩杯茶，不過不失咁啦。咁我多口問女侍應氣血茶有什麼在裡面，因之前未有時間細想及問詳情，換來的是好沒好氣答我，拿了個熱茶詳情牌，叫我自己睇，大佬，你身為侍應都理應解釋一下，總之
可惜一進門，不但沒有殷勤招待，只換來多次提醒，”我哋last order 5點半，6點關門”，真的講了數次！這是否叫我不要等，如你不想做生意，不如說我們將會收工，煩請日後再來幫襯！有感佢哋覺得唔憂做咁。因山長水遠特別前來，見有幾枱人已食完，就說會等等，因那時已5點19分。
不出兩分鐘，已有人埋單離開，我們亦被帶入座，朋友即到櫃枱落單，叫了蟹肉牛油果沙律，洋蔥湯，鮮果waffle，桂圓紅棗茶及氣血茶。朋友問四眼女侍應可否先出咸食最後上甜品，仍然提供「極佳」態度，說落單後即做冇得分先後，ok, 因沒有多少時間剩的關係，都忍下去。
上菜很快，估計都是先做定的，先來蟹肉牛油果沙律，唔...怎麼說呢，蟹肉份量有半根手指頭這麼多，牛油果都有幾粒，份量超乎想像的少！完全overpriced! 第一強差人意！
之後上兩杯茶，不過不失咁啦。咁我多口問女侍應氣血茶有什麼在裡面，因之前未有時間細想及問詳情，換來的是好沒好氣答我，拿了個熱茶詳情牌，叫我自己睇，大佬，你身為侍應都理應解釋一下，總之佢係完完全唔想做咁。
跟住上waffle, 普普通通啦，不過熱都唔熱吓，咁嘅水準，屬第二個強差人意！
最後先上洋蔥湯，湯稀稀的，只有少量洋蔥在湯內，又係一點都唔熱，味道普通，價錢高尚，屬第三個強差人意！
我和朋友係全程得不到任何服務，餐紙碟子要自己拿，你無論怎樣招手都得不到任何回應，唯有自助啦！之後反而我每完成一味，都很快過來收碟，最後四眼女侍應很殷切的走來說「我們還有一分鐘關門」，吓！有冇搞錯，當時我和朋友還有最少一半的茶未喝完，亦只是剛完成洋蔥湯，店內還有另外兩枱客未走，為什麼你不是提早15分鐘說這話，而是最後一分鐘，搞到我要倒水般的來完成這杯價值$68的氣血茶，飲完真的氣血上升！
總括來說，明顯媒體新聞稿都只是gimmick 招客手段，根本餐品實屬普通，有些更在水準以下，加上服務員這種傲慢全程趕客態度，離關門之路又走上一大段！
张贴