滾得囍宮廷火鍋小炒 (已改名) 查看

位於北角站一出2-3分鐘路程嘅火鍋店，餐廳用左宮廷風為主要設計，一入門口就有皇位比你坐下，仲可以著返件皇帝衫/皇后衫打卡。慈禧藥膳麻油雞鍋湯鍋大約半隻麻油雞左右，上枱個陣店員會用火點著麻油燒一陣，帶出陣陣麻油味，之後再加湯煲滾，幾分鐘煲好，雞肉好嫩滑，而且充滿麻油香氣。貴妃出浴 (手切本地牛肉)本地手切牛肉加上用牛奶浸過1-2分鐘，食落好嫩滑，而且牛味當中滲透小小牛奶香，層次都幾豐富。手打黃金流心鮮蝦丸(四粒)咬落爆汁，彈牙爽口，而且大大粒。紫皇蟹粉豚肉餃(四粒)好特別嘅一款餃，蟹粉配上豚肉餃，同一般嘅好唔同，味道好特別。黃金雙拼（秘製鹹蛋黄醬）即炸響鈴加炸魚皮，新鮮炸起，超鬆脆加上鹹蛋黃醬超邪惡，單食又得，落湯幾秒食又得。滾得囍五色拼盤蔬菜拼盤，有冬瓜、薯仔、紫淮山、蕃茄仔同蓮藕，切好曬好方便。凍足料竹蔗茅根味道清甜，淡淡清香，打邊爐配竹蔗茅根真係絕配。整體黎講，餐廳位置好方便加埋坐位好舒服，食物質素又唔錯，價錢尚算合理，一班朋友打邊爐又多一個好去處。