咖啡弄 (已結業)

上次光顧左尖咀店，經驗話比我知佢既甜品係No Good 但係三文治同飲品係OK 既！今次轉戰銅鑼灣，一個星期三既晚上食自己！一個人食飯最好就係易搵位，唔洗等位直入…地方好似唔夠尖咀大，但係都唔細，坐左一張大枱，有五組人同坐…大搭枱！其實MENU選擇真係唔多，主要係甜品同埋飲品，不過我一早已有心水！扮台灣辣妹既待應雖則有禮，但點餐時塊面”烘”到好埋，熱情得制！點完餐無耐就聽都佢地成班唔知因咩事爆粗…真夠辣。點左玉米里肌起士可頌同優格野莓沙冰同埋。呢度最唔好就係一人起碼要叫一杯飲品，雖則佢既飲品唔差又大份，但係亦唔平，兼且被迫點菜既感覺唔好受呢。優格野莓沙冰賣相真係夠大堆頭，滿到瀉，急凍雜莓份量唔少，入口有明顯優格味，真材實料，雖則有糖，但對於想飲健康少少飲品既人，算係無咁罪惡！玉米里肌起士可頌，賣相都係唔錯，佢大份！溶溶既芝士非常香濃，好岩胃口，所謂里肌即係火腿，份量亦係十足十。可憐那牛角包，其實係我心目中既主角，就係所有包味都被蓋過左…呢個包整體都幾好，就係火腿味寡左少少…今次可能因為無叫甜品，算係比上次食得滿意，基本上想食既野都食左，唔差但唔會特登再黎！