OPPA韓國燒肉店 (已結業)

今次同屋企人去大埔OPPA韓國燒肉店，餐廳環境裝修好韓式Feel，牆上面好多塗鴉，入型入格。「弘大燒肉放題$ 238」一個價錢可以任飲任食，除咗有燒肉，仲有熟食，套餐食物豐富多選擇。隨即店員就比一盆好整齊、賣相好吸引嘅牛肉拼盤，每一款牛肉都有標籤寫明它嘅名稱，等客人一目了然。當中澳洲和牛上肩肉（M9)食落去肉質爽口彈牙，好濃郁嘅新鮮牛肉味道，而且口感爽滑，必食。除此之外，仲有澳洲和牛五花、A4和牛三角肉、宮崎和牛上蓋肉眼同埋澳洲和牛脷等等，真係好多款式架。煎鍋旁邊有一條煎蛋，每人試少少，少食多滋味。豬肉石鍋拌飯用可以保溫嘅熱辣辣石鍋裝住，配菜鋪晒係面頭，包括有芽菜、紫菜同埋豬肉等等，而且辣醬係另外上的。將少少辣醬撈入去飯入面，連埋啲配菜一齊攪好香，食落去底下啲飯焦非常脆口，而且好入味。豬肉口感好爽口，新鮮而好味。最後甜品仲有MOVENPICK，雲呢拿味係我至愛，食落去雪糕絲滑無比，正。最後埋單三個人都只係$900有找，就可以食到咁豐富嘅新鮮韓國燒肉套餐，仲要任飲任食，下次會再幫襯。