Hello Kitty Secret Garden

第一次寫食評，請大家多多指教。
見呢間鋪頭前幾日開始試業，同朋友二話不說決定快啲去試食，如果唔係好似咖啡弄、一蘭咁，永遠勁多人排隊。
等埋朋友差唔多用咗兩個鐘時間，中途我哋頂唔順肚餓去咗大坑BlissHIVE Bakery Café食野。

全餐圖

入去坐低等咗超過十分鐘，原本以為鋪頭太忙要等耐少少，但啲蛋糕唔洗等掛？一問之下原來店員忘記入電腦單，之後仲送咗意大利菜湯我哋飲添。

1

送嘅意大利菜湯

一人一碗，味道同出面無分別，但係好夠料👍裡面竟然有hello kitty 樣通粉啊！好可愛！

1

紅蘋果

👆切開紅蘋果後。淡淡忌廉加蘋果果肉，加埋最外面鮮紅色士多啤梨啫喱口感一流。

1

blueberry tart

朱古力餅底夠脆，唔會太甜。

secert garden burger

我鐘意佢啲薯條炸到金黃色啱啱好唔油。漢堡包材料好新鮮，留意下太陽蛋係hello kitty樣。中間免治牛肉加煙肉勁厚！不過麵包有啲硬比較難咬開。

rose latte

hello kitty 樣拉花！latte好滑，味道同玫瑰花味啱啱好，根本唔需要落糖。

一開頭以為呢間野虛有其表，之前試過好多店面裝修好靚但食物好差嘅食店。但Hello kitty secret garden真係幾好味，每樣野都做到好精緻，餐具都有hello kitty大頭標誌，一定滿足哂hello kitty 迷。可惜座位得十餘多實在太細。
P.s 大坑此店暫時不設任何外賣，想食可以睇sogo地庫嗰間有無蛋糕喇。