Dodam Chicken (利舞臺廣場)

营业中

休息中

有个移民左外国既朋友番黎香港而只留一两日。我深知佢喜爱韩式烤鸡，因为难得见到佢番黎，所以就约佢食Dodam Chicken。佢最终无令到我失望，难以抵抗诱惑，所以一落机就出黎食饭应约。食店内装修时尚，有播著韩流明星MV既电视亦同时放著韩流音乐，就连食谱都有韩文版。我地叫左原味烤鸡 (HKD 168)同埋招牌沙律(HKD 128)。烤鸡卖相一流，阵阵香味扑鼻，未食我地既口水已经滴紧出黎。另外，亦有附送萝卜同3种酱料佐食，任君选择:沙律酱，芥末酱同甜酸酱。烤鸡盘有鸡胸，鸡脾，全鸡翼，满足哂钟意食唔同鸡部分既人。咬落去啖啖肉，感觉劲幸福同满足，个人黎讲最钟意芥末，惹味得黎又开胃。而我个朋友就钟意甜酸酱多啲。萝卜就又爽口又好味。招牌沙律 (HKD 128) 用料非常丰富又健康，分量又大。佢有菠萝，花生，红腰豆，橄榄，提子干，栗米，腰果，芝士芝麻酱。我地食到不能停口，两个人既胃已经填满。下次一定要再encore，因为烤鸡仲有其他口味例如芝士，蜂蜜牛油窝夫，蜂蜜合桃等等，而且仲有年糕，海鲜煎饼，糖醋肉，簿饼等食物未试。