影片
更多
2022-07-02
28 浏览
Fusion菜成日聽，原來素食都可以做到fusion菜，望落樣樣都好吸引，就算平時唔鍾意蔬食嘅人都一定接受到！呢間餐廳裝修五十年代美國復古風格為主，周圍都擺滿懷舊裝飾品，綠白格仔枱布、黑白電視都好有質感，成個博物館咁，打卡開眼界都一流！舖面唔係好大，想黎最好book定位先！------------------------------🦐◖越式炸素卷伴蒜香檬汁◗ $78有兩件素嘅越式炸蝦米紙卷，用春卷皮炸成炸蝦嘅樣，蒜香檬汁調得幾好，好香酸酸甜甜咁！米紙卷外皮煙韌，包住啲香茅、紅蘿蔔絲同檬粉，再用生菜包住食，有多重口感，點埋佢個特製汁，好開胃！如果唔食五辛嘅素食者仲可以要求走蒜！🦆◖北京烤片◗ $78佢扮北京片皮鴨又扮得幾好！片皮鴨係用豆類製成嘅，食落有啲似素叉燒果種口感，拎塊餅皮，放一舊素鴨同幾條青瓜條，加埋個甜甜地嘅醬包埋一齊食，同食緊真嘅北京片皮鴨有五六成似！🍔◖素漢堡扒伴惹味燒烤醬◗ $158好大一份，已經幫我地切好咗一半，半個已經有成隻手咁大！佢夾住一片厚素漢堡扒同豆苗，仲有啲粗薯條同沙律伴碟。佢漢堡扒好鬆軟嘅口感真係好似食緊beef patty，加埋佢個燒烤醬真係好惹味！平時食
------------------------------
🦐◖越式炸素卷伴蒜香檬汁◗ $78有兩件素嘅越式炸蝦米紙卷，用春卷皮炸成炸蝦嘅樣，蒜香檬汁調得幾好，好香酸酸甜甜咁！米紙卷外皮煙韌，包住啲香茅、紅蘿蔔絲同檬粉，再用生菜包住食，有多重口感，點埋佢個特製汁，好開胃！如果唔食五辛嘅素食者仲可以要求走蒜！
🦆◖北京烤片◗ $78
佢扮北京片皮鴨又扮得幾好！片皮鴨係用豆類製成嘅，食落有啲似素叉燒果種口感，拎塊餅皮，放一舊素鴨同幾條青瓜條，加埋個甜甜地嘅醬包埋一齊食，同食緊真嘅北京片皮鴨有五六成似！
🍔◖素漢堡扒伴惹味燒烤醬◗ $158
好大一份，已經幫我地切好咗一半，半個已經有成隻手咁大！佢夾住一片厚素漢堡扒同豆苗，仲有啲粗薯條同沙律伴碟。佢漢堡扒好鬆軟嘅口感真係好似食緊beef patty，加埋佢個燒烤醬真係好惹味！平時食嘅burger多數都係用生菜番茄，第一次食豆苗夾burger，味道好新奇，但又意外地幾fresh！另外仲可以+$20加片vegan cheese，風味應該會仲好！
🥘◖星州喇沙（濃醬汁）花生椰汁咖喱腰果印度煎餅◗ $148
呢個可以揀雜菜飯或者印度煎餅。喇沙好重花生味，同咖喱mix埋一齊，咖喱同喇沙嘅香氣融合，淋上椰汁，香味同辣度都好夠，仲要冇咁油膩！咖喱略嫌鹹咗少少同稀咗啲，配返個印度煎餅同裏面嘅豆卜、茄子、西蘭花、椰菜花等蔬菜都ok。
🍩◖朱古力心太軟配雪糕◗ $78
配咗個朱古力雪糕，上面係素嘅cream，好濃嘅豆奶味，再淋上朱古力醬同士多啤梨醬。雪糕因為純素嘅關係，食到有一粒粒冰喺入面，唔影響味道反而仲幾有口感！至於個心太軟亦好高質，外皮甜甜地脆脆地，一切開啲朱古力流曬出黎，好邪惡！
🫐◖Mixed Berries Soy Shakes◗ $68
藍莓味好出仲有淡淡嘅豆香，味道好清新，酸酸甜甜好解膩！
Encore指數：9.5/10
------------------------------
食物意想唔到幾高質，冇諗過素食都可以有咁多花款咁好食！佢係fusion咗多國料理，東南亞同西式嘅都有，素食仲要採用natvia甜菊糖黎調味，好食又唔會覺得heavy，夠曬健康！成間餐廳嘅vibe都好鍾意，啲裝飾好有心思，仲有好多得意嘅quotes " “Desserts” is “Stressed” Spelled Backward! "，值得encore！
张贴
