泰記 (已結業)

今日下晝兩點半到上咗去跑馬地街市熟食中心2樓，上邊大概有四至六間舖，行咗兩行，見泰記個Menu最四正，好！試食！☺️價錢茶記位，都算合理✊🏾員工可謂友善👍🏽，很熟悉餐牌，知道晒邊樣有邊樣冇，有攞個心出嚟做嘢，加讚！最後叫咗黑椒雞扒飯同埋凍檸樂。 可能係因為過咗繁忙時間，凍檸樂好快就嚟👍🏽凍檸樂係用左大枝玻璃樽裝，好有feel。之後個黑椒雞扒飯等左6分鐘到，唔算快唔算慢，但好嘢再等多陣有乜所謂！飯到了！黑椒汁另上，有心思。雞扒算大塊，連皮炸爽脆，啲飯都煮得軟熟，啱啱好！如果有一兩棵菜就一定perfect啦，會再尼！