今日搭巴士一落去又口痕就諗住買串串燒食，
不過諗諗下有啲凍，食啲可以暖身既野食好喎。
一轉身就見到間門面乾淨搶眼的柒拾后，
基於本人對個“柒“字情有獨鍾，就望下有乜野食，
原來係賣本土特色食品，見佢咖喱大什薈有魚旦豬皮羅白$20都幾抵丁，就食佢啦！
個哥哥筆魚蛋時問我要唔要雞尖，就緊係要啦，佢起勢咁筆，差唔多十粒魚蛋！
佢既魚蛋仲係全世界最好食既魚肉魚蛋。
當哥哥想合埋蓋時，我見啲魚旦好似無乜色好赤裸就問哥哥有無得加辣，佢話有普通辣醬同自制麻辣油，我以為依家啲麻辣油都係偉大的袓國架添， 見咁有心機就緊係要試下啦！
總結返個大什薈啦
十分足料，成個杯，滿哂！
除左用魚肉魚蛋呢啲基本野之外，
d羅白好靚！！好甜無渣，不過呢啲可能時令問題啦。 食到咖喱味之餘又好羅白~ 每舊大小都3啖到，個人認為係最佳大小。
我對豬皮無乜深究，但佢係軟得黎爽爽嘅，唔會好似有啲林到好似食緊脂肪咁核突。
另外麻辣油係差唔多透明，又真係好似比麻辣煲既清純 （我在說什麼哈哈哈）
因為我見過大陸朋友用既係紅色，食麻辣鍋四川菜都成日見到紅噹噹咁。
睇下面既食評話佢地連狗仔粉都自己搓，
麻辣油又自己整，
佢地門面都好明顯有落心機，
睇得出成間野都係用心制作，老闆應該係完美主意者
