Mamaday Studio (已結業)

今日看完醫生之後，想食少少野，見到附近有間外牆幾特別的店舖，行近才發現原來係 Mamaday 新店，但此店係純咖啡小食，無主食供應，亦係全自動形式。此鋪係在舊式前鋪後居的唐根中，點完嘢食之後，穿過後卷之後再用入樓梯上2樓，整個感受好似去咗特別的時光隧道，牆身及樓梯佈滿特色畫及擺設，大致上都沿用佢哋其他鋪的風格。樓上唔算好多位，但有露台位置，只有唐樓才可以有此安排，下午茶時段，人唔算多，可以輕鬆慢慢坐享受一下。豆腐豆腐咖啡好似其他分店都有，豆腐雪糕加豆腐，味道特別。辣肉批，唔算好辣，整體幾夾，更醒胃。慕絲蛋糕亦有水準。