格格府御膳 (已結業)

今晚約左朋友去到銅鑼灣（格格府御膳）食飯，入到去見到餐廳的設計，好像去咗清朝的年代，餐廳亦十分寬敞，仲好高格調， 連餐具擺設都古色古香的味道，有位男仕的服務員都好好，更能讓我們享受一個好舒服的晚餐，因下星期六便是我媽媽的生日，稍後會訂定位，帶她到來試做一日格格，希望能帶給媽媽一個超驚喜開心的生日。餐廳提供了宮廷服飾給客人，著住嚟影相，這班美女已急不及待地換好衫，亦不停地打卡。江南三小碟。菊花豆腐湯，將豆腐切成了菊花樣子，賣相十分美觀同吸引，清香的湯底，配軟滑的豆腐，廚師居功不少了。高湯浸菜苗，高湯是用雞肉等淆 出來，再用高湯餵番菜苗，再加 上蟲草花，使到成個菜都好甘香清新。松露醬獅子頭。糖醋魚柳，我最喜歡的糖醋魚柳醬汁不會太多，味道不會太鹹， 食落口仲好軟滑。格格府炒飯，份量十分足夠，張飯炒到每粒都金黃爽口，再配上帶子及魚子，味道十足，非常有水準。炒年糕，煙韌軟糯的年糕，加上冬菇絲等的配料，炒得十分惹味。香橙胖大海， 這個飯後甜品，造型好特別，加上有點香橙味，十分潤肺。