六叔燒鵝 (已結業)

老公今晚要開OT,叫我整定晚餐比佢放工食，但係我又唔想煑飯，咁啱我經開馬頭角道，見有間六叔燒鵝，廚窗掛住啲燒味吸引我注意，乳豬、燒肉、义燒、燒鵝、燒鴨見到都燒得好靚，色澤鮮明味道應該唔錯，店內有堂食，亦可以外賣，老公都好鍾意食燒味，一於買啲返去比佢做晚餐，費事煮飯！半斤义燒：义燒色澤紅潤，瘦肉中帶少許肥肉，叉燒的肉質鬆軟，多汁，香甜而美味！燒鴨飯：燒鴨皮香肉嫩，啖啖肉都又香又入味，配酸梅醬特別開胃！