同一間店日頭和夜晚兩班人服務態度就是天與地的分別,早上姐姐用心有禮個個都叫早晨食得開心又滿意，晚上幫襯就有如賭博。。。何謂賭博即係五五波可以好食亦可以非常之難食，簡簡單單一個豉油王炒麵 可以炒到林bet bet完全毫無口感，稍為對食物有知覺嘅都知道豉油王炒麵只要豉油靚夠鑊氣就可以炒出一個好味道。
今晚見落大雨一心諗住幫襯下街坊店叫咗一個滑蛋牛河兜亂，殊不知攞返屋企發現係豉椒牛肉炒河，打電話返去諗住提點一下佢哋 小心D留意吓，點知道劈頭第一句就話咁你食唔食呀！！嘩！！呢啲係乜嘢態度呀！！ 唔好意思都冇句，咁耐唔幫襯一幫襯又出事你叫我以後重點繼續幫襯你呀！！
以上食记乃用户个人意见 , 并不代表OpenRice之观点。
赞好
panfloson
啱呀，真係好似賭博咁，搞到我到呢家都唔敢再幫襯
視覺與味道的結合
Me, too 已經將佢啲blacklist
視覺與味道的結合
最近誇張到我叫個豆腐火腩飯你估發生咩事....... 係冇火腩喺裏面只有豆腐你話點接受🤷🏻♂️
用餐日期
2018-07-19
用餐途径
外卖自取
