上到去播緊姜B既歌，Happy Friday既興奮感覺出哂黎。
面積不大，但幾有酒吧餐廳既感覺。
時間尚早，人不多，但到晚上7點開始人多。
散叫既野食款式不多，但幾有特色。
希臘餃子係輕輕炸過既，外皮香脆，夠薄唔硬。
裏面既菠菜同羊奶芝士融為一體，無菠菜既苦澀味。
地中海芝士 (Full assortment)
個包超好食，外皮脆口得黎又內軟，仲有小麥香，大家都爭住食。
芝士味道較柔，好易入口，就咁食都唔會過咸。
蘋果撻配希臘乳酪雪糕賣相吸睛，蘋果有肉桂味，雪糕好似cream咁輕盈，味道同口感都好特別。
西班牙油條好脆身，甜度適中，飯後輕食甜品之選。
