渝。湘菜館 (已結業)

天氣咁熱想食d酸酸辣辣嘅嘢開下胃，一於試吓廟街依間湘菜館😋 餐廳嘅裝飾富有中國風，牆上掛住嘅大面譜成為餐廳嘅signature 👹 當日下午1點幾去到見到木桶飯午市套餐有唔少選擇，例如湘西外婆菜、農家小炒肉、蒜薹炒臘肉、酸豆角炒肉末等等，但係一心為咗酸菜魚而去，就無叫到午市套餐😂今次叫咗：1️⃣ 鎮店之寶-酸菜魚（小辣）$228酸菜魚上枱好大份，個面有埋芫茜同芝麻🤭魚片滑溜無骨，酸酸辣辣好開胃，酸菜唔會太酸/太淡，窩底配有紅薯寛粉、大豆芽、萵筍，大量嘅乾辣椒同埋花椒香得嚟唔會太搶味，整體好食過好多其他舖。份量好多，2-3個人淨係食一窩酸菜魚都夠飽😊 另外值得一提嘅係..店舖冷氣好夠，唔會食辣食到成身汗，但個酸菜魚嘅溫度keep得好好，食咗成個鐘都無變到凍曬👍🏻 2️⃣ 干鍋肥腸 （小辣）$98對於食豬大腸嘅人嚟講，依個真係必食！肥腸洗得好乾淨，食落香辣唔會過鹹而且脆卜卜，愈食愈過癮，加支啤酒就一流喇🍻除咗平時食開嘅辣子雞、酸菜魚之外，餐廳仲有啲湘菜菜式🤩例如：剁椒魚頭、雙椒魚頭等等，下次帶多個frd去試埋d涼拌小菜先😋今日兩個人，叫咗酸菜魚，肥腸加個白飯同埋2罐野飲，人均$200有找，仲飽到食