El Portal (已結業)

今晚同舊同學聚舊, 帶咗我去廟街一間樓上餐廳, 食地中海菜。原來地中海菜源自希臘、義大利南部、西班牙、葡萄牙等地中海周邊地區, 網上顯示目前係公認最健康嘅飲食方式。 餐廳面積不大, 環境清靜, 有別於熱鬧嘅廟街一帶。食物款式唔多,  除咗生蠔、酒類飲品, 食物就有呢d同埋dessert list。青口配馬里涅拉舞醬汁 $92有半打青口份量, 每隻青口都好大隻, 大得有如手掌般size, 青口煮得緊緊熟, 為半開狀態, 青口爽口又多汁, 細味個汁只係極微甜。西班牙海鮮飯 $218海鮮有爽口蝦、同樣爽口肥美多汁大青口、爽魷魚圈, 飯粒濕潤, 粒粒分明, 保留了傳統煙韌口感, 微鹹香口。飯量較少, 兩個人食剛剛好。西班牙油條配花生、果仁糖、巧克力 $68西班牙油條沾上了砂糖, 杯中有奶羶味而輕盈嘅慕絲同埋少少淡咖啡, 整體不太甜。