El Portal

行到廟街牌坊附近見到有個廣告牌幾特別好似一幅油畫咁原來喺間餐廳的招牌，間餐廳係大廈嘅二 樓，餐廳內放有一個大酒櫃及一個大屏幕，室內佈置簡約，環境整潔乾淨，見到D枱凳都幾大張，枱與枱之間唔會好迫，坐得好舒服，侍應姐姐安排座位后送來加了( 電解質 )白開水，幾特別。

睇到餐牌D菜名好吸引。

烤八爪魚配法瓦豆泥
八爪魚烤得剛剛好又鎖住D肉汁，食落柔軟有質感而且非常鲜味，而法瓦豆泥有D淡淡豆香味，配埋一齊食，味道更有層次。

西班牙炒飯
熱辣辣西班牙炒飯送到台上，香噴噴嘅海鮮香味就湧曬出來，飯面上放入幾種海鮮有尤魚，藍青口，大蜆，大蝦份量都充足，食左一啖發現炒飯軟硬適中，好有咬口。
配合大厨秘制醬汁，令到炒飯的味道有香氣又有鮮味，真係非常好食。

呢間餐廳嘅食物幾啱我，下次會帶朋友再來。