香格里拉米線專門店

本身旺角嗰時都有食開，知佢觀塘開返都幫襯過幾次，我覺得嘢食ok，係啲雞翼無乜味，服務都算殷勤，但琴日去到佢大播啲大陸歌，好難聽，仲要播到超大聲，都算，廚房煮嘢食嗰2個呀姐都無戴口罩，應該話係將口罩拉到落下巴，仲要不停傾偈吹水，話一通返關就要返大6乜乜乜，嗰時我已經食梗碗米線，即刻覺得好不安，想像到有幾多口水已經落左我碗米線度，最後求其食兩啖就走左，短期內都唔會再幫襯，仲要宜家本地又爆返肺炎，咁嘅衛生情況令人好擔心，要幫襯就自己諗清楚。