入魂鐵板燒 (已結業)

一班酒肉朋友難得約齊人食鐵板燒，訂位時向店家說明想食下新嘢，道出筆直就放心交主廚發辦，因為之前朋友們都分別去食過不下數次，對廚師們手藝還是有信心的。人齊梗係哼杯飲酒先，幾盤海鮮一放上檯，酒友們都係相機先食打打咭，除咗例行前菜、龍蝦鮑魚、和牛外，黑毛豬薄燒夾蘋果幾解膩，北海道秋刀魚未最當造稍為細條，仍不失鮮味，還有鐵板燒海參位上，素翅蛋炒象拔蚌邊位，再來個蟹膏炒蟹肉多士，呢個真心色香味全，後面當然唔少得蜆肉魚湯、炒菜、炒飯、肉桂糖多士配雪糕，食方面無論質都量都值回票價，廚師發辦冇失望。成班酒友同主廚們打成一片，清酒冧酒威士忌飲個不停，一路飲酒梗係唔記得影齊哂食物相，有幾多放幾多，食得咁開心一定有下次。