茹壽司

营业中

休息中

朋友成日都話大埔太和係美食沙漠，今日約咗上佢屋企前竟然話落街市買好嘢食，原來太和新開咗間壽司店，現在新街市食店環境的確唔錯又整潔，見到有好多丼飯選擇，又有飯團同小食，當然唔少得刺身同各式壽司，小店與一般壽司店不同之處係沒有預製壽司盆，而係即叫即製。和風牛肉飯，份量不少牛肉入味，洋蔥日式醬汁香濃。蒲燒鰻魚飯即叫即燒，外賣返到樓上依然外脆內嫩，飯面鋪滿蛋絲仲熱辣辣，重點係用上分隔飯餸嘅外賣盒，餸汁唔會浸住米飯，打開先倒入去保持新鮮。重點嚟喇，有兩個餐牌標示刺身同壽司嘅廚師發辦，我們揀咗四人前壽司廚師發辦有足足廿四件，只係168蚊就有海膽軍艦、帶子、炙燒左口魚、赤貝、油甘魚、三文魚、甜蝦、鰻魚、八爪魚、甜蝦同拖羅壽司，當中幾款更加係高級食材，各款刺身壽司都新鮮甜美。原來壽司店師傅以前曾主理 omakase，所以都特別有兩個餐牌為廚師發辦，為街坊食客帶嚟美食。