影片
更多
2023-05-28
59 浏览
位於尖沙咀嘅三郎燒肉成個餐廳裝修都幾有格調，成個環境感覺都幾舒服，枱同枱之間亦都有一定嘅距離，所以啱晒傾偈，而且亦都唔會怕有好大陣燒肉味，餐廳主打燒肉日本料理，另外亦有串燒、壽喜燒、刺身壽司提供，不過餐廳比較出名嘅就係廚師發辦式嘅燒肉Menu😝Tasting for two $1680🖤黑白配⚪️叫咗個Tasting set，成個套餐好豐富，絕對可以食到你飽住個肚 🤰🏻燒和牛肩他他凱撒沙律成個配搭酸酸甜甜，做開胃菜一流日本產極上和牛三種🐮係由廚師發辦，睇吓當日食材邊幾款最新鮮，今次我哋係食牛柳、中腹肉同埋牛肋條，我哋最鍾意係中腹肉🥩，因為油份最重食落去最肥美😍日本溫室蕃茄佐煙燻鹽🍅 食落飽滿多汁，甜得黎有啲清新嘅酸味雞腹肉&長崎縣產雲仙火腿雞腹肉一啲肥肉都冇，所以完全食到雞肉既嫩，而雲仙火腿嘅感覺就有啲似台灣香腸，食落去甜甜咸咸，都幾惹味北寄貝肉質肥美，貝肉有鮮甜味洋蔥和牛春卷🧅相反呢個春卷就一般般，春卷嘅皮太厚，而且牛肉同洋蔥包喺裏面嘅餡量好少，所以變相就覺得食落去好寡紫蘇葉和牛海膽卷🖤黑白配⚪️私心最鍾意嘅一道菜色😍😍🫣，因為我哋不嬲對和牛海膽呢類嘅食材都好愛不釋手😂😂肥美嘅和牛油脂
位於尖沙咀嘅三郎燒肉成個餐廳裝修都幾有格調，成個環境感覺都幾舒服，枱同枱之間亦都有一定嘅距離，所以啱晒傾偈，而且亦都唔會怕有好大陣燒肉味，餐廳主打燒肉日本料理，另外亦有串燒、壽喜燒、刺身壽司提供，不過餐廳比較出名嘅就係廚師發辦式嘅燒肉Menu😝
Tasting for two $1680
🖤黑白配⚪️叫咗個Tasting set，成個套餐好豐富，絕對可以食到你飽住個肚 🤰🏻
燒和牛肩他他凱撒沙律
成個配搭酸酸甜甜，做開胃菜一流
日本產極上和牛三種
🐮係由廚師發辦，睇吓當日食材邊幾款最新鮮，今次我哋係食牛柳、中腹肉同埋牛肋條，我哋最鍾意係中腹肉🥩，因為油份最重食落去最肥美😍
日本溫室蕃茄佐煙燻鹽
🍅 食落飽滿多汁，甜得黎有啲清新嘅酸味
雞腹肉&長崎縣產雲仙火腿
雞腹肉一啲肥肉都冇，所以完全食到雞肉既嫩，而雲仙火腿嘅感覺就有啲似台灣香腸，食落去甜甜咸咸，都幾惹味
北寄貝
肉質肥美，貝肉有鮮甜味
洋蔥和牛春卷🧅
相反呢個春卷就一般般，春卷嘅皮太厚，而且牛肉同洋蔥包喺裏面嘅餡量好少，所以變相就覺得食落去好寡
紫蘇葉和牛海膽卷
🖤黑白配⚪️私心最鍾意嘅一道菜色😍😍🫣，因為我哋不嬲對和牛海膽呢類嘅食材都好愛不釋手😂😂肥美嘅和牛油脂包住香甜嘅海膽係Perfect match🫶🏻
西京銀鱈魚&栃尾油掦🐟
銀鱈魚食落去肉質柔嫩，帶有少少嘅油膩感同埋甘甜味，再點埋個沙律醬錦上添花
人蔘牛骨湯
個牛骨湯好濃味同埋足料，兩舊大大嘅蘿蔔咬落去好清甜，成個湯個味好好飲🥣
紫菜生牛肉拌飯
生牛肉食落去好新鮮！餐廳會請你自己包，可以自己控制想要幾多飯量同埋牛肉，完全冇腥味👍🏻👍🏻
紅豆抹茶布甸🍮
紅豆配綠茶，成個布甸好有豆嘅香味同埋奶油嘅滑溜
张贴
