鮨見 (已結業)

今次黎到尖沙咀食呢間omakase，舖頭只有一位來自關東既日本師傅，同幾個阿姐跟班，一睇就知師傅要幾有料下先可以有能力咁樣開舖喇。雖然價錢都偏貴，但食落都唔錯，師傅話食材都係由日本新鮮空運過黎，所以絕對就無花假既。環境方面，吧枱一張，亦有唔少4人枱，坐吧枱既話，師傅話睇住你食，同會同你傾下計既咁多款色入面，本人就最鐘意佢個鱈魚魚春，食落好肥味好味，入口即溶既感覺，食落仲好味過A4和牛呀～不過一舊起兩舊止好喇壽司方面，佢d魚生都算幾新鮮，佢話佢每落都會換專用紙，去吸收魚生既血，咁魚生先唔會發黑，睇得出佢對食材既嚴謹。食之前都睇到有d負評話佢唔乾淨，原因係用塊布去抹d魚生，咁我食果陣佢都有咁做，但食完都無肚痛肚痾，可能佢塊布有消毒乾淨掛。