青衣美食城 (已結業)

本身諗麥記做晚餐，路經此處，發現$12單/雙併燒味飯，立即問女朋友點睇。佢唔想食熱氣嘢，就決定燒味飯。嗌咗燒肉飯同叉鵝飯，兩盒加薑蓉。當然以$12嘅價錢，唔會附送飲品或加條菜俾你啦，但最攪笑竟然係餐具都唔俾，小本經營就原諒佢。燒肉一排有六七舊，肥唔算多，舊皮仲算係脆！叉燒有淨瘦，也有半肥瘦，唔鞋，夠味；燒鵝D色就淺色咗少少，唔會層肥膏，算瘦。薑蓉唔油，夠鹹，送飯一流！$12低到爛！