榮少喇沙 (已結業)

榮少喇沙嘅馬拉菜正宗地道，一入店內見到別出心裁嘅壁畫已經有種去咗旅行嘅感覺，叫咗以下嘅食物 :1️⃣龍脷柳魚湯米線⭐️⭐️⭐️魚湯非常清甜，魚味突出之餘唔會太鹹，調校得啱啱好。龍脷柳好有魚味，咬落唔會太林影響口感，外皮保持香脆之餘唔會太油膩，剛好魚湯沖走表面油份，令米線吸收左湯嘅精華仲有龍脷柳嘅油香😋2️⃣酥炸雞扒飯⭐️⭐️⭐️炸雞扒飯最緊要香脆，榮少喇沙就做得到！有啲餐廳會為咗做到香脆嘅外皮用得太多油，或者煲油放得太耐而有油益味，但係呢間餐廳應該有勤換油，所以炸物特別好味~最後叫咗兩杯嘢飲亦都發揮中上，奶茶有港式風味，茶同奶嘅比例剛剛好，撞茶次數充足亦都令茶味更加濃郁～而特色飲品凍檸橙茶亦都好有特色，係茶味中有一點橙嘅清新，未試過嘅你不妨一試！