影片
更多
2014-01-14
7289 浏览
上星期約左朋友來這裏食生日飯,第一次嚟,係OPENRICE見到個VIEW好靚及食物都幾吸引,我地五個人一早訂左7:30PM,仕應訂枱時問我們要不要訂片皮鴨,我們就訂左一隻兩食.7:30PM左右去到,餐廳原來唔係好大,我們不是坐係窗邊,已經好多人入座了, 但係座位俾我們想像中的迫及餐廳唔係我們想像中的有情調,係好嘈,真的酒樓咁樣. 我好想行埋去窗邊映張相,但係D枱實在係櫈貼櫈,好難行埋去囉.我們一路看看有咩好食,本來有諗過叫套餐,不過朋友想飲酸辣湯,所以就冇叫啦. 我們散叫左一客酸辣湯,不酸不辣的,感覺麻麻地雞絲粉皮,麻醬分開上的,雞絲,青瓜絲及粉皮,但係好像少了一點. 只是一般毛豆百頁雪菜,呢個都幾豐富,有好多毛豆,幾粉幾好味呀,雪菜都好味,唔會好咸味,百頁好食呀,呢個配撘幾好,清清地.小龍包,可以點五隻的,都算薄的,入面既肉唔會太多,不過湯少左少少.片皮鴨一鴨兩食,先嚟鴨肉配薄餅及叉子,幾特別,有兩款食去,鴨肉都好香,唔算好肥,但薄餅失色左,厚左少少呀,叉子則好香口,有甘笋絲,青瓜,大葱,加埋一齊食都好味的,份量都好多呀.另一個鴨肉係選左生菜包,但係等左好耐,追了幾次先嚟,可能漏左,
7:30PM左右去到,餐廳原來唔係好大,我們不是坐係窗邊,已經好多人入座了, 但係座位俾我們想像中的迫及餐廳唔係我們想像中的有情調,係好嘈,真的酒樓咁樣. 我好想行埋去窗邊映張相,但係D枱實在係櫈貼櫈,好難行埋去囉.
我們一路看看有咩好食,本來有諗過叫套餐,不過朋友想飲酸辣湯,所以就冇叫啦. 我們散叫左
一客酸辣湯,不酸不辣的,感覺麻麻地
雞絲粉皮,麻醬分開上的,雞絲,青瓜絲及粉皮,但係好像少了一點. 只是一般
毛豆百頁雪菜,呢個都幾豐富,有好多毛豆,幾粉幾好味呀,雪菜都好味,唔會好咸味,百頁好食呀,呢個配撘幾好,清清地.
小龍包,可以點五隻的,都算薄的,入面既肉唔會太多,不過湯少左少少.
片皮鴨一鴨兩食,先嚟鴨肉配薄餅及叉子,幾特別,有兩款食去,鴨肉都好香,唔算好肥,但薄餅失色左,厚左少少呀,叉子則好香口,有甘笋絲,青瓜,大葱,加埋一齊食都好味的,份量都好多呀.
另一個鴨肉係選左生菜包,但係等左好耐,追了幾次先嚟,可能漏左,這個鴨肉好香呀,加埋一塊生菜一齊食,生菜超爽口,好好味喎.
我們還點左甜品,高力豆沙,可以每人一粒,酒釀丸子,高力豆沙的糖及士多啤梨醬都分開上,其實係幾好的,可以自己食自己的口味,但係糖咁樣分開,好難整到好均勻,食唔番果個高力豆沙的感覺. 入面的豆沙唔算好多. 酒釀丸子好香,份量都唔少,入面有些鉗肉,好特別,呢個唔錯呀.
我地坐係度傾計都坐左好耐先走. 服務,環境,價錢都幾OK的一餐.
张贴
