吉壽日本料理 (已結業)

同朋友來慶祝生日! 一早訂定位, 由18:00食到20:30, 2個半鍾。位位$178加一。個到個位置都幾難搵, 因為座大廈門口細,又唔顯眼, 有時經過左都唔知。吉壽位於The Loop 7樓全層, 以為全層應該好大啦, 錯晒囉, 入面好細, 好迫, 係好似一d 樓上cafe 咁。不過都好多人食, d 位都full 晒, walk in 應該唔會有位。得2粒半鍾, 拿拿林tick 野食, 佢都有好多款, 剌身, 壽司,串燒, 天婦羅, 鍋物, 冷麵, 沙律....野飲仲任飲tim。失望的是無雪糕任食, 又無蟹子壽司, 又無北寄貝。不過d 野食都算黎得快, 無咩走單, d 野食都好新鮮。最愛既三文魚, 又肥又厚, 讚! 壽司就至愛鰻魚, 多d 鰻魚汁就更好。串燒就普通, 一凍就唔好食, 而天婦羅既虎蝦同南瓜就最正, 食落唔會一口粉。鍋物熱la la 上台, 好食! 另外雞翼都燒得好好味! 而手卷就ma ma la, d 紫菜唔脆, 咬落淋晒既!不過原來2個半鍾真係唔係好夠喉呀, 因為佢地8點已經cut order, 我地都係叫左3 round就要停手, 如果可以食耐少少, 坐耐少少就好啦