閨•家 (寶榮大廈) (已結業)

北角蜆殼街呢間閨家，店如其名，就係有住家的感覺，今晚嘅晚餐又諗起佢啦。慢煮豬軟骨飯$49呢個慢煮豬軟骨相當有份量，鐘意食肉嘅男生每次都必點。豬軟骨煮得非常腍身，連軟骨都入埋味。大檸樂手羽飯$51看似簡單嘅檸檬雞翼，雞翼肉質紮實，醬汁酸度平衡得宜，用嚟撈飯都好正。咖哩牛腩飯$51香濃咖哩汁包裹著每一塊牛腩，牛腩啖啖肉，筋肉脂肪比例剛好，又一道好好送飯嘅菜。每個飯都跟個湯，湯水清清地無味精，日日飲都唔會厭呀！