店員超有禮貌而且細心，2人比左個卡位我，座位非常舒服，以咁嘅價錢，咁嘅服務質素，CP 值係滿分
上次食係半年前，果次都ok 啦！不過今次遇到個中年男店員真係好好服務，本來經過屯門「牛角」服務不足後（$708位 2小時燒烤自助餐要我座張只放到2隻碟既超細抬，仲要係我3日前訂咗枱，全埸仲有大把位果種
），我都無諗住再幫襯牛角，不過今日去行街，真係諗唔到食咩，所以食同品牌既柳氏家，叫左個差唔多最平嘅餐$89（自選燒肉）⋯其實我係諗住就算差都係唔見$89
⋯另外加左$30 換另外3種牛肉，飲品，小食同軟雪糕可以任食，限時60分鐘，肉就每人只有一碟（佢另外仲有一個$158 位任食燒肉炸雞翼餐120分鐘），我覺得十分滿意，牛肉都好食嘅
店員好細心，幫我scan 完會員卡之後仲提我有張coupon 快過期，問我需唔需要用左佢先
2位一共食咗$158，咁嘅價錢，咁嘅服務，仲想點
我經常都話除咗食物重要之外，服務同座位都係我揀食店嘅原則。
