串點 (已結業)

公眾假期嘅夜晚去，見到完全冇客都覺得伏伏哋⋯⋯好聽就話露營風，但啲櫈全部都有一撻撻漬，個屁股愈坐愈痕⋯⋯環境差都算，店員嘅服務態度差到極點。我哋見佢九個字先上到兩樣嘢（大啡菇&龍蝦沙律），咪去問下仲有幾耐。點知個店員就串串共咁講：「你哋唔介意食生嘢嘅話，我可以而家上菜俾你哋～」好衰唔衰俾我哋聽到佢同廚房講：「我哋外賣優先㗎，盡量做咗外賣先。」事實上，成間舖得我哋一枱客，而且個外賣哥哥都已經等咗十分鐘⋯⋯唯一可以讚嘅係，佢串住都俾我哋cancel張單走人⋯⋯如果唔介意屁股痕嘅話，可以去驗證下⋯⋯