晴の居酒屋 (裝修中)

🍱晴の居酒屋 星期五7時到達，好熱鬧，9成滿，有氣氛。職員親切有服務，會關心你用餐體驗：例如問吓你啲嘢食點，或者主動問你要唔要碗仔之類。門口有錶位，不過比較難有位。食咗：雞皮餃子（4件）$58唐揚雞軟骨 $48海老天婦羅（4隻）$108晴巻（帆立貝鵝肝巻）$168安格斯牛肉稻庭烏冬 $108德島雞肉棒 $42@朝日啤酒 $38@烏冬份量超大，想食記得share 食，唔係食唔到其他嘢，烏冬質地好滑，湯底都好香濃。推介海老天婦羅，炸粉唔會太厚，蝦好食。唐揚雞軟骨，份量都唔少，炸得剛剛好，送啤酒一流。雞肉串加埋日本雞蛋，推介。帆立貝鵝肝卷，比較特別，喺第二啲地方未食過。不過呢碟要$168，可能因為有鵝肝同帶子。有些食物單價比較貴，不過有些食物份量比較大，所以除開之後價格合理，服務同味道都唔錯。我哋兩個人，冇食刺身類，人均消費$300 頭，食到超飽。另外見到佢有lunch Menu，價錢會平一截，有機會都想去試吓。