Domon 札幌拉麵 (樂富廣場) (已結業)

今次幫襯樂富廣場內既Domon札幌拉麵 平日夜晚去食 外面睇店內既人唔算太多一入門就被店員熱情款待 安排入坐 之後遞上餐牌同熱茶 價錢望落都合理 點咗晚市一人前定食A秋葵炒黑豚肉丼等待上菜既時候 眼見店內一男一女店員都比較忙碌 但不忙顧及不同客人既需要 重點係對所有客人(熟客或非熟客)一樣態度親切見到一幕係一家人嗌野食 佢哋其中一位未到 但家人幫佢嗌咗野食先 似係店長既男待應細心地問嗰家人未到嗰位大概幾耐到 之後入廚房安排遲10分鐘先整未到嗰位既拉麵男待應大可以不必理會 照落單 忙其他事情 但佢冇咁做 反而細心照顧每位客人既需要 保證每位客人可享有一定既食物質素同開心既用餐經歷令我發現店員既細心同親切 絕對係令顧客會再次光顧嘅原因點完菜好快就有得食 秋葵炒黑豚肉丼配有沙律同麵䜴湯 呢份定食組合相當健康 丼飯既餸同飯比例好好 近乎一比一既比例 唔會係多飯少餸 秋葵、洋蔥、紅蘿蔔同黑豚肉好夾 有好香既芝麻同洋蔥味 豚肉煮得岩岩好 豚肉既大細係一致既一口大小 食完岩岩好 滿足