影片
更多
2025-07-13
0 浏览
朋友生日搵左間靚靚餐廳同佢慶祝🥰～餐廳成日有唔同嘅主題活動，咁啱呢日有小提琴同埋鋼琴live band。演奏好多首唔同嘅愛情歌曲，同朋友一邊食下精緻晚餐，一邊享受住好聽嘅歌，成件事好有儀式感！附近都有好多情侶慶祝紀念日，好浪漫🌹安排左坐舞台前面座位，舞台同個screen都好大，一路仲會有好多唔同顏色嘅射燈，餐廳亦有羽毛同埋雲嘅佈置，好夢幻💕餐廳唔算好多枱，同埋枱同枱之間都好闊落，傾偈完全唔會俾人聽到，坐得好舒服👍👉🏻前菜✨黑魚子蟹肉沙律配多士蟹肉鮮甜，搭配鹹香爽口嘅黑魚子，份量好足，味道balance得幾好。配埋脆身多士一齊食好正～✨黑椒大啡菇大啡菇好大件夠厚肉，好香，煎咬落去好多汁。黑椒同鹽調味唔會太搶，帶出到菇本身嘅鮮味，簡單但好好食！👉🏻餐湯✨蘑菇忌廉湯係用新鮮菇打碎煮成，蘑菇味濃郁，忌廉份量岩岩好，唔會膩，個湯又好香滑。加咗少少松露油提香，味道更有層次，配香脆蒜蓉包一齊食幾夾。 👉🏻主菜✨磯煮鮑魚墨魚汁意大利燴飯鮑魚煮得夠淋，帶少少甜味。墨魚汁燴飯creamy得嚟唔會太膩，飯粒有咬口，整體味道墨魚汁鮮味香濃突出。✨厚切肉眼扒塊扒夠厚，煎得火候啱啱好，切開粉紅色，肉汁鎖得住。肉
安排左坐舞台前面座位，舞台同個screen都好大，一路仲會有好多唔同顏色嘅射燈，餐廳亦有羽毛同埋雲嘅佈置，好夢幻💕餐廳唔算好多枱，同埋枱同枱之間都好闊落，傾偈完全唔會俾人聽到，坐得好舒服👍
👉🏻前菜
✨黑魚子蟹肉沙律配多士
蟹肉鮮甜，搭配鹹香爽口嘅黑魚子，份量好足，味道balance得幾好。配埋脆身多士一齊食好正～
✨黑椒大啡菇
大啡菇好大件夠厚肉，好香，煎咬落去好多汁。黑椒同鹽調味唔會太搶，帶出到菇本身嘅鮮味，簡單但好好食！
👉🏻餐湯
✨蘑菇忌廉湯
係用新鮮菇打碎煮成，蘑菇味濃郁，忌廉份量岩岩好，唔會膩，個湯又好香滑。加咗少少松露油提香，味道更有層次，配香脆蒜蓉包一齊食幾夾。
👉🏻主菜
✨磯煮鮑魚墨魚汁意大利燴飯
鮑魚煮得夠淋，帶少少甜味。墨魚汁燴飯creamy得嚟唔會太膩，飯粒有咬口，整體味道墨魚汁鮮味香濃突出。
✨厚切肉眼扒
塊扒夠厚，煎得火候啱啱好，切開粉紅色，肉汁鎖得住。肉質鮮嫩，牛味濃郁，調味突出到牛本身嘅香味。
👉🏻甜品
✨Meta Stages Signature Dessert Platter
好靚&夢幻嘅甜品set，有個千秋擺設，仲有好多花同埋蝴蝶嘅裝飾，下面寫住Happy birthday，黎到仲有店員幫手點支煙花蠟燭🎆，生日嘅朋友好開心🥳🥳甜品亦都好多種類有心太軟、雪花酥、果乾、士多啤梨忌廉撻等等。
张贴
