芝樂坊餐廳

朋友生日慶祝同佢一齊去左呢間餐廳食～等左冇耐就有位，坐低左之後有位侍應介紹自己同專門負責服務我地呢張台，侍應小姐有禮貌又nice我地得2個人叫左炸魚薯條、雞肉墨西哥餅、香草檸檬雞、曲奇奶昔同最後叫左牛奶焦糖芝士蛋糕。炸魚薯條初頭新鮮炸完好食，不過過左一陣唔知係咪魚柳出水，d皮軟曬同魚柳變到好淡，所以印象麻麻。香草烤雞唔鞋，香草同檸檬味都香口，個薯蓉好香牛油味，不錯墨西哥餅同辣肉醬好香，配埋個飯野味又飽滿。個曲奇奶昔值得飲，曲奇料多奶昔又香，配埋炸野熱氣野一流。芝士蛋糕唔太啱我地味覺，真係太甜，食完想飲水又好有罪惡感樣樣野食都好大份，我地2個人食到飽死咁制，成餐最鐘意係杯奶昔