ChaTraMue (已結業)

聽過呢個名好耐，今日專誠去試吓正宗泰式飲料！有幾隻都想試吓，尤其咖啡！啲人講到好好味不過到夜晚都係唔飲。於是揀咗正宗泰式綠奶茶，加埋斑斕珍珠試吓怕太凍，可惜佢冇得走冰，亦唔建議少冰，因為可能會太甜 最後溝淡佢泰式嘅風味 哈哈雖然凍咗少少，但係味道係幾特別嘅！有陣陣嘅泰國香料味（講唔出係咩）出乎意料之外，唔會太甜喎。可能飲泰式奶茶就會甜⋯⋯至於斑斕珍珠⋯⋯唔知係咪因為個奶茶味道太突出，珍珠似乎啲淡。最重要係佢唔夠Q彈，有少少硬最後都冇飲晒。睇吓有冇機會下次試咖啡。