公利真料竹蔗水

营业中

休息中

成日都以為佢喺斜路附近果間, 去到原來唔係叫公利, 又沒再找, 今日終於可以一試, 間野好特色, 一睇就知好耐之前嘅鋪頭, 而家香港, 真係碩果僅全, 古老嘅裝修, 超高嘅樓底, 天氣雖然熱, 但入到去坐底, 都覺得幾舒服, 叫了一杯蔗汁, 一碗中龜苓膏, 蔗汁雖然足料, 但好似唔係幾夠凍, 如果凍啲會更好飲, 至於龜苓膏, 正呀, 好易入口, 而且口感唔錯, 一食落口好舒服, 好軟綿綿, 又唔會一入口好苦, 而且價錢都唔貴, 細十二蚊, 中二十二蚊, 大都係二十五蚊, 抵食, 可惜我唔係喺呢頭出未, 唔係我都會成日幫趁, 不過, 如果我去開中環, 都會走一轉,