利寶閣 (已結業)

上次朋友話利舞臺呢間利寶閣性價比十分高，今日sunday就帶屋企人黎食飯啦！首先叫左個小菜 韭菜帶子煎蛋角，韭菜非常香，帶子十分爽口，配埋滑滑既蛋角好惹味，而且完全唔油！十分好味跟住就叫左個谷飼豚肉叉燒蛋飯，個蛋煎得好令，煎蛋同叉燒一向係完美既配搭！輕輕吉爆個蛋黃，撈埋d飯同叉燒真係人間美味，叉燒肥瘦度剛好，蜜汁香甜，入口又嫩！黎埋個佛跳牆，配料有鮑魚 魚翅 花膠等等，非常足料，湯底濃郁 非常滋潤！最後我地叫左個花膠滑雞煲，滑雞好滑，入口好嫩，配料有點香蔥好惹味，醬汁非常入味！屋企人都十分滿意 話下次會再黎呢