手拉麵小廚

营业中

休息中

新蒲崗好多舖頭，大多數都係門面簡陋，但其實內有乾坤，有着隱世嘅滋味。上一次黎，試過佢嘅客飯同小籠包，已經覺得好有驚喜，今次就試一試佢嘅擔擔麵。同我想像嘅擔擔面唔同，佢並非傳統果一種，唔會有好多花生醬同埋紅油嘅感覺，佢比較似食川菜，新疆嗰啲香料咁嘅感覺，帶着一絲絲嘅辣味，唔會話辣到食唔到其他味道，而且香料用得好好，非常非常惹味，好吸引。佢有好多唔同嘅配料可以選擇，而我就選擇左雞排。雞扒非常之入味，而且煎得好香脆，真係好正！佢嘅麵條亦都係自己手做嘅，食落去非常之彈牙，而且烹調的時間亦掌控得好好，整體的味道我俾佢一個好高嘅評價。大大碗面，只係40幾蚊，非常之抵食。我一定一定會再嚟幫襯