七拾玖十 (已結業)

第二次去幫襯。第一次只係去買咗個冬甩同朱古力蛋糕走，味道都有驚喜。今次第一次堂食，事隔一個月，今晚收工同媽媽又去左嘉城食飯啦🐵🙈個龍蝦包真係好好食，印象中同廈村嘅水準差不多，仲平過廈村果度呀（佢哋之前有做廈村美食節），今個月做緊promote $60蚊拼埋薯條添，薯條太好食，有三款點醬揀，差不多食完我先記得要影相🙈總之超滿足啦！！！另外，媽媽order左個3月限定嘅包：忌廉芝士三文魚包，佢都話好好食～全單兩個包加埋一杯白咖啡同一杯豆漿承惠$127，咁嘅價錢晚餐嚟講真係抵。阿媽呢餐飯真抵請😛返到屋企見到佢哋ig post左聽日嘅優惠,原來佢哋逢星期三有優惠，聽日係$20件千層蛋糕。我至愛啊，最衰聽日要加班啦，咁就出個post益下大家啦！！你地千其唔好以為我係打手啊，各位大大。。。我真係諗住有優惠開心share下，上嚟呃下like咋😎*利申，聽日promotion張相係喺佢哋IG度偷㗎！其實佢哋各方面無論食物啦、服務啦、衛生啦都好好,唯一環境太迫夾，可能係鋪仔細細啦!!全部得20個位，要等位或者打電話留座。尋晚我都等左大約30分鐘！！下次會識得打電話留座book定喇😌