滿屋日本料理 (大鴻輝(荃灣)中心) (已結業)

放題多數都係食壽司又或者刺身，今次我黎到放題就決定叫番幾個熟食，加上依家冬天真係幾凍下，用熟食暖下身都好。荃灣滿屋呢度既鰻魚種類既嘢食都好唔錯㗎！又有火炙原條海鰻壽司，又有磯燒鰻魚，啱曬鍾意食鰻魚既朋友呀！至於呢度既辣酒煮東風螺對於唔係好食得辣既我就有點過於辣啦！可能會岩中意食得辣既朋友！真系估唔到放題會有花膠食呀！荃灣滿屋呢度竟然有吉品鮑汁燴花膠煲，原汁原味！避風塘黃金炒蟹都好高質嘎，蟹殼入面重有蟹膏添。另外呢，呢度比舊岩鹽你慢慢磨，重可以作為調味料，調味方面唔止有豉油甘單調。