羅麥記 (已結業)

今晚收左工同朋友黎呢間茶餐廳食飯。黎到已經好多人下，但都係等左3個字到已經入得去。一坐低就覺得雖然地方細，但都幾舒服。睇完餐牌一舉手侍應已經行過黎，自己同朋友比較鐘意食麵，所以叫左蕃茄牛肉麵，雞扒撈麵，雞翼撈麵同蝦多士。我個蕃茄牛肉麵湯夠濃，牛肉唔會話太硬。至於朋友2個撈麵d雞翼同雞扒都好入味，麵又會太乾身。蝦多士炸得香口，配埋沙律醬簡直一流。本身想試埋牛河，可惜賣晒！總括黎講，食物好味，侍應服務態度唔錯，唯一可惜係食唔到牛河。埋單$200有找，好味又抵食。