樂天冰室 (長利商業大廈)

营业中

休息中

喺尖沙咀做完Facial求其搵一間茶餐廳食少少嘢就趕住打道回府。印象中記得樂天冰室嘅菠蘿包好正，於是就衝過去我啱啱避過中午人潮。一坐低就叫咗個菠蘿叉燒包，熱鴛鴦 $34價錢都係咁上下，見之前好多食評話佢嘅服務態度超差，今日我嚟親身體驗就覺得正正常常茶餐廳態度，店員唔會對你笑騎騎，都係板面為客人落單。瞬間我嘅菠蘿叉燒包就送到眼前菠蘿包一拎起幾有手感有點重量，拎上手仲係暖，咬落去菠蘿皮頗鬆化，叉燒餡都幾多，唔會只係一劈醬，亦都唔係空氣包，$14 ok la 。熱鴛鴦味道淡咗少少，花奶唔夠多，口感冇咁滑。順手買多個紅豆麵包返屋企做早餐